A New Beginning This Easter, The Kablogs Journal

As we join the rest of the Christian world in the celebration of Easter, on Jesus Christ's triumph over sin, and we take joy in spending this special time with family and friends and reflecting on the many blessings that fill our lives. During this season of renewal, let us come together and give thanks to the Almighty who made us in His image and redeemed us in His love

In our journey towards Easter, we have gathered some of our Kablogs' best blogging authors, men and women of talents and skills - Nebz Bandiez (Isla de Nebz), Janelle Vales (The Pink Tarha),  Azel Venerable (Panunumbalik ng Ulirat),  Doc RJ Pagoto (The Chook-Minder's Quill) and Nalen Aguilar (Manilenya) who have collectively agreed to voluntarily share their time, talents and skills in one collaborative blog in bringing hopes and inspirations to our Kablogs members and the general Global Filipinos worldwide.

Today, as we discover Easter's wonderful and humbling invitation for new hope and new life, we at Kablogs is proud to announce the launching of our maiden issue of our first online magazine - THE KABLOGS JOURNAL, a celebration of a new beginning and a new hope dedicated to the OFW bloggers.

As we strive to bring you a better and worth reading articles which resonates our Global Filipinos values and aspirations, we invite you to join us at The Kablogs Journal's maiden journey, follow us and be part of our "Fellowship of Bloggers" - share your talents, your ideas and comments & suggestions  to further improve the contents and the quality of our new site, this is your site - The Kablogs Journal.

This Easter Season, let's enjoy the Easter spring at: 
thekablogsjournal [dot] blogspot [dot] com

Please bear with me as I temporarily closed my comment box and encouraged you  to  visit, explore the pages, read and    direct  your comments on various articles of  your favorite blog authors on The Kablogs Journal. You might please take a glance and spend some minute of your  time to read my column article entitled "A Journey in Faith" as I share with you my Easter reflection - "The Tomb Is Empty".

HAPPY EASTER!!!

Ano Ba ang Kahulugan ng Easter Sa Iyo?

Hinubog ako ng aking namayapang Ina sa lumang tradisyon sa paggunita ng Pasko ng Pagkabuhay ni Kristo. Sa tuwing Byernes Santo, sa pagsapit ng alas tres ng hapon, pinagbabawalan na kaming maglaro sa lansangan ng aming mga magulang, higit pa dyan di ka na puedeng maligo hangga;t hindi sumasapit ang Domingo de Gloria. Isang matandang kaugaliaan na kapag ikaw ay nasugatan sa panahon ng Mahal na Araw ay baka ito ay hindi gumaling lalo pa't patay si Kristo. At kung magiging matigas ang ulo'y tatawagin kang 'hudyo' ng mga nakatatanda. Ang panahon ng pagninilay ay iginugugol sa pagbisita Iglesya, panunuod ng senakulo at penitensya, panunuod ng Ten Commandments na hatid sa black and white TV.

Ang kapistahan ng pagkabuhay ay may hatid na kasiyahan sa aking pagkabata dahil ito ang panunumbalik ng aming muling pagligo sa banyo, malayang paglalaro sa lansangan, at panunumbalik ng mga normal na palabas sa telebisyon. Maari na muling maghabulan sa larong patintero at taguan, muling magtawanan at maghalakhakan na walang sumusuway o tumatawag sa amin na Hudyo.

Subalit ang ala-ala ng Muling Pagkabuhay sa aking kamusmusan ay higit pa sa paglalaro, dahil ito ang sama-sama naming pagsisimba at mula rito ay nagtutungo kami sa Roxas Blvd. upang maligo sa malinis na tubig dagat sa harap ng Redemtorist Church ng Baclaran o dili kaya'y mamamasyal sa Luneta para sa isang salu-salo sa luntiang damong bermuda nito, o kaya'y pamamasyal sa Avenida o sa Downtown ng Maynila.

Ngayon, nabahiran na ng komersyolismo ang tinatawag nating Easter. Wala na ang pagtitipon tipon ng pamilya sa pagdiriwang, iilan na lang din ang nagsisimba ng madaling araw upang masaksihan ang prusisyon ng Salubong. 

Mas nabibigyan kasi ng kahulugan ang pagsalubong sa Easter sa pamamagitan ng Easter Egg Hunt, ng Bunnies, ng Easter gifts at Easter clothes. Kadalasan hindi na nakikita si Kristo sa kanyang matagumpay na pagkabuhay mula sa kamatayan. Paano nga ba mapupuna kung naging abala tayo sa nagdaan na Mahal Na Araw, sa mahabang bakasyon kung saan iginugol natin ang ating panahon mula sa paguwi sa probinsya at paghanga sa maganda nitong mga tanawin. 

O dili kaya'y sa mahabang oras na ating iginugol sa paggamit ng internet, "connecting to people across the world, adding friends, and accumulating virtual cash points and accepting virtual Easter Eggs mula sa nakaka-addict na larong hatid ng mga sikat na Facebook. Sa nagdaang isang Linggo habang tayo'y abala sa internet, naka-connect ba tayo kay Kristo kahit ilang minuto lamang? Naka-kuha kaya tayo ng 'spiritual points' sa pag-ala-ala sa kanya sa huling linggo ng kwaresma.

Di pa huli ang lahat, salubungin natin Siya ngayong Linggo ng Pagkabuhay, walang kailangang points na ipunin, walang Easter Egg at Bunnies na dapat hanapin, buksan lamang natin ang ating puso para sa Kanyang muling pagkabuhay. Hinihintay Ka nya kaibigan.

Alalahanin rin natin ang ating mga kababayan na nasa ibang bansa, na dala ng kanilang responsibilidad sa hanapbuhay bilang medical staff at mga domestic helpers, lalo pa sa gitnang Silangan kung saan ang Easter ay hindi malayang naipagdiriwang, isama natin sila sa ating panalangin, upang sa gayon malaya nating masabi sa ating sarili at sa kapwa na - HAPPY EASTER.