Hustisya Sa Mga Biktima Ng Maguindanao Masaker

Sa kabila ng pamamayagpag ng ating kababayang si Efren Penaflorida kung saan kinilala ang kabayanihan ng isang simpleng Pilipino na pumukaw sa bawat damdamin at tiningala ang Lahing Kayumanggi sa buong daigdig ay simbilis rin ng kidlat at tila nilamon ng kadiliman ang liwanang ng pag-asa ng pagbubukang liwayway sa ating mga Pilipino sa karumaldumal na Maguindanano Masaker. Nagun, ang Pilipinas ay nangunguna sa listahan ng pinakadelikadong bansa sa buong mundo sa mataas na antas mamamahayag na pinapaslang sa isang malayang pagpapahayg sa n.isang deokratikong bansang Pilipinas. Karumaldumal ang mga video na inyong masasaksihan.

Ginimbal ang aking kamalayan sa 52 biktima na kinabibilangan ng mga kababaihan, mga mamamahayag at mga abogado na nagnanais na makibahagi sa proseso ng halalan na ipinagkakaloob ng ating malayang bansa. Ang mga pinaslang ay mula sa pamilya ni Esmael Mangudadatu na nagnanais maghain ng kandidatura bilang Gobernor bilang katunggali ni Gob. Zaldy Ampatuan sa halalan 2010.

Isang halimaw na nilalang ang tanging may kapasidad na kumitil ng ganito karaming buhay. Mga nilalang na walang kinikilalang Dyos at nabubuhay sa kapangyarihan ng baril ang walang awang kinitil ang buhay ng mga walang kalaban-labang mamamayan. ang malagim na kaganapan sa kasalukuyan ay hindi ko maiwasang iugnay sa kasaysayan ng kabaliwan ni Hitler kung saan walang awang pinapatay ang mga inoosenteng mamamayan dahil sa kasakiman sa kapangyarihan.

Kasakiman sa kapangyarihan, sa katanyagan at sa kayamanan ang ilang dahilan upang magtulak sa isang tao na kumitil ng buhay ng kapwa tao.

Ang Maguindanao ay pinamamayanihan ng 'guns and goons' sa ilalim ng kapangyarihan ng mga pamilya Ampatuan na pinamumunuan ni ARMM Gobernor Datu Zaldy Ampatuan na kilala rin na kaalyado sa partido at kaibigan ni Pang. Gloria Arroyo.

Aking idinadalangin sa Panginoon na dinggin ang pagtangis at pagluluksa ng mamamayang Pilipino at ng mga pamilyang naulila sa Maguindanao Masaker at nawa'y makamtan ng mga naulila ang tunay at mabilis na hustisya sa Administrasyon Arroyo.

Katarungan sa mga biktima ng Maguindanao Masaker.