Tuesday, March 23, 2010

Miss U Like Crazy



Tulad ni John Lloyd at Bea 
sa kanilang huling pelikula,
Para rin tayong Petronas Tower 
sa tuwing tayo'y magkasama.

Bagama't di ko naitala 
ang una nating pagkakakilala,
Tandang tanda ko pa nuon 
nang una tayong magkita.

Ang aking mga mata'y nabihag 
sa makinis mong katawan,
ang amoy langka mong halimuyak 
ay aking pinagnasaan. 

Sa unang haplos pa lamang 
at  kalabit ay akin ng naramdaman,
na ika'y karapat-dapat sa akin 
at di na kita pakakawalan;

At ikaw nga'y aking inuwi sa aking tahanan, 
akoy napuspos ng kaligayahan.
Sa aking munting kwarto, 
tayong dalawa lang ang nagkakarinigan.

Dumaan ang mga sandali at ika'y aking ipinakilala, 
sa mga inuman ikaw ay isinama
Ipagpaumanhin ang di magandang tanawin, 
mahirap kasing iwasan ang ilang kaibigan.

Ipagpaumanhin mo rin kung 
ika'y aking isinama sa lamay sa patay.
Mahirap ring tumanggi sa mga pagdadalamhati 
na nangangailangan ng ating pakikiramay.

Alam kong iyong ikinatutuwa 
kapag magkasama tayo sa simbahan.
Sa bawa't misa, di ko maitangging 
tayong dalawa ang pinagmamasdan.

Natatandaan mo rin ba 
ang bawa't gabi ng ating karoling,
Di matutuloy ang karoling kung wala 
ang isa sa atin.

Subalit nitong huling buwan ipagpaumanhin 
kung ika'y aking nakalimutan.
Dahil sa Pesbuk, Petbil  
at Parmbil ika'y nakaligtaan.

Sa mga alikabok na naipon sa iyong katawan, 
aking napagtanto ang aking kasalanan.
Kamalian ay aking dapat itinutuwid, 
sa Petbil at Parmbil di na ako muling pagagamit.

Katawan mo'y aking muling hahaplusin 
at ika'y laging kakalabitin,
Dahil ikaw ang tunay na nagbibigay saya 
lalo't pag wala ang aking asawa.

Dahil di nila alam ang ating pinagsamahan 
sa tulad kong isang hamak na 
GITARISTA

Kulang ang buhay ko kapag nawala ka 
dahil ikaw ang aking nag-iisang 
GITARA.



Pope's Ibanez Guitar

18 comments:

  1. ang galing mo naman pope! mukhang magaling ka mag-gitara ah! go go!!! tugtugan na ulit :)

    ReplyDelete
  2. akala ko po xrated na e! hahaha! kayo po gumawa nun?! ang cute ha!

    ReplyDelete
  3. Hello The Pope! ang galing!(frustrations ko kasi ang mga yan- gumawa ng tula at mag-gitara) :-)

    ReplyDelete
  4. @ roanne

    Salamat sa pagdalaw, tuloy ang jamming hehehe.

    @ mommy ek

    Naku, pang General Patronage po ako hehehe, salamat nagustuhan mo ang post.

    God bless.

    ReplyDelete
  5. @ animus

    Ang kailangan siguro ay interest at practice para madevelop ang talent. Naniniwala akong ang Pinoy ay tunay na may kakanyahang talento sa tula at musika.

    ReplyDelete
  6. Ano to?!Gumaganyan ka na rin pre?! lolzz

    Ayos!Gitarista ka rin pala, pero ako hindi :D

    ReplyDelete
  7. gusto kong magkaroon ng gitara at matutong mag-gitara. :)

    ReplyDelete
  8. @ Lord CM

    Gaito ang nangyayari pre kapag walang maisip isulat, tagtuyot hahahaha, puede kitang turuan sa gitara pre, dati akong nagbibigay ng libreng guitar lessons sa simbahan.

    @ MarcoPaolo

    Kailangan muna ng self interest to explore your talent in music, mura lang ang gitara lalo na yung made in Cebu.

    ReplyDelete
  9. akala ko naman tungkol sa pelikula. ni hindi ko man lang nasilayan ang trailer nyan. huhu! nwei, hawakan mo na ang gitara pope, tugtugan mo na lang kami. :D

    ReplyDelete
  10. Pope. post ka ng Video mo nag naggigitara ka request ko lang ung Passenger Seat...hehehe

    ReplyDelete
  11. Tagal nga akong di nadadalaw dito Pope! Oo nga sample naman dyan o! Post ka ng video mo habang tumutugtog ng gitara!hehhe

    Ingat

    ReplyDelete
  12. sa tagal ng pagkawala ko...
    gumaganyan ka na rin! lolz!

    and so bad.. hindi ko pa napanood ang movie na yan!

    napatawa mo ko Kuya George :) tnx!

    ReplyDelete
  13. gusto ko rin panoorin yang movie na yan..hindi nga lang sa sine..sa dvd...ehehehe nice poem pope

    ReplyDelete
  14. nadale mo ako dun Pope kala ko naman kung sino yun pinagnanasaan mo hahaha, gawa ba sa langka tree ang gitara mo at nangangamoy langka? kala ko pa naman si misis ang namimiss mo hehehe, galing talaga! idol!!! sana matuto pa akong mag gitara tinamad na kasi ako e panay umpisa lang alam ko lol

    ReplyDelete
  15. Sample naman jan o. (I really would love to see you play, George! Request lang...Tayo'y Mga Pinoy!).

    ReplyDelete
  16. ang ganda naman ng gitara mo kuya pope..im sure maganda ang tumog nyan..naku kainggit..^_^

    ReplyDelete
  17. @ Rej

    Salaamt sa pagdalaw, dahil weekend dito, jamming time na nga

    @ bad_mj97

    Sinubukan kong mag-record ng video habang naggigitara ako, unfortunately hindi maganda ang audio results kaya di ko na itinuloy, hayaan mo hahanap me ng magandang video recorder.

    @ DRAKE

    Hahaham hayaan mo, makakaasa ka sa tamang panahon.

    @ A-Z-E-L

    Natuwa naman ako sa iyo, epekto ata ito ng El Nino, tag-tuyot ang kaisipan ko hehehe, kaya bigla kong naalala ang aking gitara.

    @ Mokong

    Salamat sa muling pagbisita.

    @ Sardonyx

    Yang gitara ko ang number 2 ko hehehe. Yung amoy langka, karamihan ng mga gitara sa Pinas ay gawa mula sa puno ng langka, pero itong gitara ko na Ibanez brand ay gawa mula sa puno ng mahogany. May mga video tutorial at ilang pyesa na madaling sundan na available sa You Tube.

    @ isladenebz

    Alam mo bang mas mahihirap ang mga notes sa gitara ng mga sikat na Tagalog songs but I find them challenging.

    Happy weekend.

    @ superjaid

    Honestly, maganda ang quality ng tunog ng Ybanez brands.

    ReplyDelete
  18. Kawawang Gitara dahil kina Pesbuk, Parmbil at Petbil =)

    Next post daw, dalawa na kayo ni Gitara in a video =)

    ReplyDelete

LinkWithin

Related Posts with Thumbnails